रसुवा बाढी : उद्धार, खोजी र क्षतिको अपडेट

साउदी अरब १९० रनमा अलआउट, नेपालसामु १९१ रनको लक्ष्य

काठमाडौं । एसीसी मेन्स प्रिमियर कप २०२६ अन्तर्गत आज नेपाल र साउदी अरबबीचको खेलमा साउदी अरबले ४९.२ ओभरमा १९० रन बनाएर सबै विकेट गुमाएको छ। अब नेपालले जितका लागि १९१ रनको लक्ष्य पछ्याउनेछ। क्वालालम्पुरस्थित Bayuemas Oval मा जारी खेलमा टस जितेर साउदी अरबले पहिले ब्याटिङ रोजेको थियो। नेपालले सुरुवातदेखि नै बलिङमा दबाब कायम राख्दै साउदी अरबलाई ठूलो स्कोर बनाउनबाट रोक्यो। साउदी अरबले ५० ओभर पूरा गर्नुअघि नै ४९.२ ओभरमा १९० रनमा आफ्नो इनिङ समाप्त गरेको हो। अब नेपालका लागि १९१ रनको लक्ष्य हासिल गर्दै प्रतियोगितामा अर्को महत्वपूर्ण जित दर्ता गर्ने अवसर छ। नेपालले प्रतियोगितामा यसअघि राम्रो सुरुवात गरेको छ। नेपालले समूह चरणका अघिल्ला खेलमा बहराइन र मलेसियालाई पराजित गरेको थियो। नेपालको टोलीको नेतृत्व सन्दीप लामिछानेले गरिरहेका छन् भने आसिफ शेख, रोहित पौडेल, दीपेन्द्रसिंह ऐरी, गुलशन झा लगायतका खेलाडी टोलीमा छन्।